+27 21 551 2694 cso@mweb.co.za

Aan die einde van 1975 het ons besluit om ons eerste hawesending te open in Saldanhabaai. Ons was gelukkig om 'n afgetrede egpaar, wat verskeie tale kon praat, aan te stel.

Hulle het amptelik begin werk in 1976. Toe die eerste skip in die nuwe hawe vasmeer, was ons sendelinge daar om hulle te ontmoet en Bybels in hulle eie taal uit te reik. Ons het nou ’n predikant wat voltyds in die hawe werk.

 

Sendingwerker aan die werk

Western Akihabara, Saldanha

'n Dag uit die hawe sendingwerker se dagboek:

Vandag is 'n dag soos enige ander. Dis die "alles regkry " vir die motorfiets tog af hawe toe. Als is gepak en die rit begin. Dis nogal lekker om so op die motorfiets af te ry en die verandering in warm lug na die koue seelug te voel.

Die hawe bly rooi, dit verander nooit. En dan kom jy by die skip, stop, klim af, kry alles op jou rug en stap boot toe. Daar gekom tref die unieke andersheid van die skeepservaring jou. Die leer met sy ghries en rooi stof, die vriendelike Fillipyne wat jou ontvang, die reuk van see gemeng met die diesel van die skeepsmasjien.

Wat spesiaal is, is dat die hele bemanning Fillipyne is, offisiere ingesluit. Dit maak werk baie makliker. Die skip is nuut en netjies. Die bemanning is gelukkig en is besig met ete toe ek hulle kom besoek het oor middagete. Dit opsigself 'n wonder!

Wanneer die bemanning hoor wie jy is en hulle sien die rugsak kom hulle soos kleuterskool kinders nader om te sien wat jy wil uitgee.
En wat'n geleentheid om Die Here se Woord uit te gee aan honger vriendelike seemanne!

In die eetkamer sit Rodney (links) en July (regs).

Beide is nuut op die skip en het in Saldanha opgeklim. Hulle is tevrede met hulle Emmerates vlug van Manilla na Kaapstad. Die skip kom uit Durban waar dit ook deur ons CSO manne besoek is.

July is pa van 4 kinders en het 'n jong vroutjie wat nie werk nie, maar sy kinders oppas. Hy was nou met verlof, en het twee dae terug begin werk om weer vir sy gesin tuis te sorg. July is die geselser van die twee. Hoe dankbaar was hy nie vir sy Bybel nie!! En hy kan nie uitgepraat raak oor hoe belangrik Jesus vir hom is, en om die Bybel te kan besit nie.

Hierdie besoek het Jan-Harm se dag gemaak en dit was moontlik gemaak deur ons donateurs en vriende.